ఉల్ఫ్ మెస్సింగ్ – రెండవ భాగం ( continued)

ఇలా ఉల్ఫ్ మెస్సింగ్ తన ఆలోచనల్లో ఉండగా ఆఖరికి  ఆ రైలు చేరవలసిన గమ్యం చేరింది. అతను ఆ ప్రయాణీకుల గుంపుతో పాటు అక్కడే దిగాడు. అది జర్మనీ రష్యాదేశాలకి మధ్య ఉన్న సరిహద్దు అంటే ఉల్ఫ్ మెస్సింగ్ రష్యాదేశం చేరాడు. అది ఒక కుగ్రామం చాలా చిన్న పల్లెటూరు. అతను ఇప్పుడు  ఏం చేయాలా అంటే తన తదుపరి కార్యక్రమం గురించి ఆలోచిస్తుండగా అతని దృష్టి అక్కడ ఉన్నజన సముదాయం మీద పడింది. గుండ్రంగా నిల్చుని వాళ్ళందరూ అక్కడ ఏం చేస్తున్నారా? అని ఆసక్తితో ఉల్ఫ్ మెస్సింగ్ అక్కడికి వెళ్ళాడు. అక్కడ ఒక మెజీషియన్ రకరకాల ట్రిక్స్ చేసి చూపుతు, అక్కడ గుమిగూడిన జనాల చప్పట్లు, ఈలలు అంగీకరిస్తూ మాయాజాలం చేయసాగాడు.